سؤال بسيط عن العقيد/ عمر عفيفي و ما يثيره من اخبار كارثيه إن صحت !!
و لو اني مش من رواد السياسة في المنتدى, و لا بحب اتكلم فيها كتير على المنتدى, ولكـن....
عندي سؤال بسيط عن العقيد/ عمر عفيفي و ما يثيره من تصريحات كارثيه في حالة
اثبات انها بالفعل صحيحة و ان الراجل كلامه سليم و مظبوط و عداه العيب...
السؤال بقى... هو ليه كل الناس بتشتم في الراجل ده, و تتهمه بالجنون او انه معتوه,
و البعض الآخر اتهمه بالعمالة لامريكا, و البعض الآخر اتهمه انه صهيوني و مع اسرائيل,
و البعض بردو قال ان هو السبب في كل ما يحدث في البلد و هو اللي مولعها و بيحرض الناس,
و ناس تانيه بتقول انه بيقول اي كلام و مافيش اي حاجه من كل الكلام ده حقيقية ؟؟؟؟؟؟؟
كلام كتيييييييييييير بيتقال عنه يعيب فيه و في مصداقيته و في كلامه و انه كاذب و معتوه ليس اكثر...
حيث كده يبقى لازم نسأل الاسئلة دي بردو.............
- هو ليه احنا مش مصدقين الراجل ده ؟؟؟؟
- هو ليه احنا بنتهمه بالعمالة و الخيانة و غيره و غيره ؟؟؟؟
- هو ليه احنا بنقول عليه معتوه و نشتم و نسب فيه ؟؟؟؟
- هو ليه اي حد بره مصر لأي سبب لازم نقول عليه عميل و جاسوس !!؟؟؟؟
- هو ليه مايكونش الراجل ده بيقول كلام صحيح و سليم و عنده دليل مهما كان ؟؟؟؟
- هو ليه مافيش حد طلع و قال الراجل ده كداب و الدليل على كدبه كذا و كذا ؟؟؟؟؟
- هو ليه ماحدش فعلاً قادر يوصل لمعلومة او يعرف اثبات مادي حقيقي عن وجود مبارك و سوزان
في شرم الشيخ و علاء و جمال و العادلي و صفوت و الباقي في السجن فعلاً في طرة !!؟؟؟
حد يجيب اثبات واحد فقط على كذب هذا الرجل و ان معلوماته مجرد كلام فاضي علشان
نبقى كده فهمنا و عرفنا انه انسان بيخرف و بيقول اي كلام و لا نعيره اي اهتمام ابداااا...
الراجل ده بيقول كلام خطير, و احنا مش بنقول غير انه اهبل و معتوه و متخلف,
او عميل و جاسوس و امريكاني, و الكلام ده... و ناس تانية تسأل انت بتعمل ايه في امريكا !!؟؟؟
انا لا مع عمر عفيفي, و لا ضده, بس الراجل ده بيقول كلام في قمة الخطورة و كااااااارثي,
إن صح هذا الكلام يبقى هو كان عنده حق و كان شايف حاجات و يعرف حاجات احنا مانعرفهاش...
لو غلط... يبقى نعمل اللي احنا عايزينه, و نشتم و نهزق و نتريق براحتنا و يبقى عندنا حق...
انا بقول الكلام ده لاني كل ما ادخل على صفحته على الفيس بوك و هو كاتب خبر خطير
من الكلام اللي بيقوله, الاقي كل شعب الفيس بوك بيشتم و يسب و يتريق عليه !!!!
ببقى مستغرب جداااااااا, و بدل ما نتأكد من صحة المعلومات اللي بيقولها, او معلومة
واحدة بس, مش لازم كله, نقعد نهزق و نشتم في الراجل !!! ايه السطحيه اللي بقينا فيها دي !!؟؟؟
الراجل بيقول لو انا طلعت غلط في اي حاجه قلتها, اعملوا اللي انتوا عايزينه..!!!
ممكن حد بعد اذنكم يقوللي احنا ليه بنشتم و نسب و نتهم الراجل ده بدل ما نتأكد من كلامه ؟؟؟
هدفي هو التأكد من مدى صحة الكلام و الاخبار اللي بيقولها, و هل هي صح ولا غلط ؟؟؟
يا ريت يكون حد فهم انا عايز اقول ايه, و يكون فهم وجهة نظري لاني بصراحة مستفز
و مستفز جداااااااااا كمان من اللي بيحصل او اللي بيتقال على الراجل ده و هو بدون دليل !!!
تحيــاتي للجميــع...
